Өлең, жыр, ақындар

Білесіңдер ғой, білесіңдер ғой бәрің де

  • 01.09.2020
  • 0
  • 0
  • 1356
Білесіңдер ғой, білесіңдер ғой бәрің де,
Жүрегі құрғыр көнгісі бар ма әмірге?!
Басыңда бар ғой, басыңда бар ғой бәріңнің
Жүрегі құрғыр төзгісі бар ма зәбірге?!
Басыңда бар ғой, басыңда бар ғой бәріңнің,
Жүрегі құрғыр қырында жүрер «тәңірдің».
«Тәңірдің» қыры – өмір тықыры емес пе,
Жүрегі құрғыр қынында жүрер өмірдің.
Басыңда бар ғой, басыңда бар ғой бәріңнің,
Жүректі алдап жүйкеңе талай бағындың.
Айдаудан асқан табылар талай қиянат,
Алдаудан асқан айласы бар ма зәбірдің?..
Су етсе сезім – суырып алған жүрегің,
Ду етсе бетің – жылуы жанған жүрегің.
Мұхиттан асып, ғарышқа ұшқан заманда
Миыңның құрал-мүлігі болған жүрегің.
Жүректі жалдап, жүйкені жалғап рақатқа,
Жетіп те жүрміз жеп-жеңіл даңқ-атаққа.
Бұл құйттай жүрек ақылдың тартып жазасын
Жарылып жатыр, ұшырап жатыр апатқа.



Пікірлер (0)

Пікір қалдырыңыз

Иманжүсiп

  • 0
  • 0

Сонымен Иманжүсiп Ақмолада‚
Түскен жоқ тас түрмеге таққа бола.
Жаққан жоқ ешқашанда аққа қара‚
Жапқан жоқ жәбiр жасап, жоққа жала.

Толық

Қау етіп құныс тамыр, бел көгеріп

  • 0
  • 0

Қау етіп құныс тамыр, бел көгеріп,
Қаз-үйрек қазоты өскен көлге қонып.
Көз ұшы – қара қырдан қайырамыз,
Қозы-лақ көкке құмар желдеп өріп.

Толық

Өмір, сенің айқұш-ұйқыш өлшемің

  • 0
  • 0

Өмір, сенің айқұш-ұйқыш өлшемің,
Өлшеміңе риза емеспін мен сенің.
Өмір, сенің шимай-шимай есебің,
Есебіңнен қайтты талай меселім.

Толық

Қарап көріңіз