Қырық жаста келіншек, қырық жаста

Бұл бетте «Қырық жаста келіншек, қырық жаста» атты Кеңшілік Мырзабеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 01.09.2020
  • 0
  • 0
  • 1972
Қырық жаста келіншек, қырық жаста.
Қырық жаста әйелде ғұмыр басқа.
Қырау, қылау, бозқырау шалығына
Бұл жаста әйел үсімес, ұрынбас та...
Бұл жаста әйел болғанмен қанша нәзік,
Үйренеді сәл тоңып, сәл тоңазып.
Қол байлаған тірліктен мойны босап,
Азаяды зіл батпан арқада жүк.
Қыз бойжетіп, ұлы да тұр ержетіп,
Төрт құбыла қалғандай түгел бекіп.
Әкесі енді дүниені дүрмек етіп,
Баяғыдай жүрмейді түнделетіп...
Жүрек емдеп немесе бүйрек емдеп,
Үйден ұзап шықпайды күйбелеңдеп.
Ал бұл болса дені сау, бойы сергек,
Мезі етеді бір сарын үйдегі ермек.
Той-думанға, қонаққа бара қалса,
Жүзінен нұр тарқамай, тарағанша,
Би билейді дөңгелеп, ән айтады
Шаршағанша, әуені жарағанша...
Бұл жаста әйел ынжық та ұяң емес,
Бұл жаста әйел шындық қой, қиял емес,
Бойжеткендей ішінен бір булықса,
Болмысы ғой...болмысы зиян емес.
Бұл жаста әйел ойнаған қолда алтындай,
Алтын құрғыр арбаусыз болмайтындай.
Қорқады өзін біреулер арбайтындай,
Қорқады өзін біреулер қорлайтындай,
Қорқады өзі. Қорқады, қорықса да,
Көзге түспей, әйтеуір, қалмайтындай...


Пікірлер (0)

Пікір қалдырыңыз

Жиі қойылатын сұрақтар

Қырық жаста келіншек, қырық жаста өлеңінің авторы кім?

Кеңшілік Мырзабеков — осы өлеңнің авторы.

Қырық жаста келіншек, қырық жаста өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қырық жаста келіншек, қырық жаста өлеңі не туралы?

Бұл өлеңде Кеңшілік Мырзабеков өз ойы мен сезімін көркем түрде жеткізеді.

Қырық жаста келіншек, қырық жаста өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері