Өлең, жыр, ақындар

Бір еркекті сүйді делік екі әйел

  • 02.09.2020
  • 0
  • 0
  • 1614
Бір еркекті сүйді делік екі әйел,
Екеуі де өліп-өшкен от әйел.
Жар алдында екеуі де кінәлі,
Ар алдында екеуі де сот әйел.
Жеке-жеке соттайды олар өзді-өзін,
Өзі бояп жүргендей-ақ өз көзін.
Алдырғысы келмейді олар сезімге,
Қалдырғысы келмейді олар сөзге өзін.
Жар қадірін, ар қадірін біледі-ақ,
Оттың басын отыр ұстап, сыналап.
Жұрт қатарлы әйел болып келеді,
Көштен озбай, көптен қалмай тұралап.
Басы түгел, бауыры бүтін, оты аман,
Екі әйел – екі тағдыр, екі адам.
Бірін-бірі білмесе де, екеуін
Бірдей сезім бір адамға матаған.
Екеуі де айтпайды оны тіс жарып,
Айтпайды оны кетсе-дағы іш жанып.
Тарпаң сезім тар кеудеде тыпырлап,
Тынысы да келе жатыр қысқарып.
Ал еркек пе?..
Біледі оны бұл еркек,
Іші – дүлей, сырты – тылсым жүрер тек...
Махаббаттың оты өртеуден кеткен соң,
Қалғанының бәрі, бәрі – құр ертек.
Бір сезімнің сиқырымен үш адам,
Бірін-бірі матаған да, тұсаған.
Тамұққа да бармайды олар күнәдан,
Өлетін де олар емес құсадан.
Бірақ, бірақ...бір сезім бар ортада,
Шаншудайын тұрар сыздап арқада.
Өліп-өшіп сыйлайды еркек оларды
Ал сүюге қобалжи ма, қорқа ма?..
Ол арасы, ол арасы дүдәмал,
Дүдәмалға дүбара боп жүр олар.
Өмір заңы осы екен ғой, япырым-ау,
Сезімдерге шекаралар, сыналар.



Пікірлер (0)

Пікір қалдырыңыз

Қара тақыр

  • 0
  • 0

Бір жаңбырдан қақ тұрған қара тақыр,
Лайыңды ылғалға жарата тұр!
Тез кеберсің, шөлдеуге төзген ерсің,
Жаңбыр жауса жарылқап, өзгерерсің.

Толық

Севан

  • 0
  • 0

Бір қанып ішіп, суына түсіп көрмей біз,
Аузымыз жеңіл, тоспа да болса, көл дейміз.
Мойылдай дейміз, моншақтай дейміз, мең дейміз,
Біз де бір аққу, айдынды көлге шөлдейміз.

Толық

Жұтпа тартқанда немесе жейде туралы жыр

  • 0
  • 0

Сәбила, сәбилік күн – сайран сағым,
Қай қырдан асып кетті қайран сағым?
Сағымның толқынындай кетті алыстап
Балалық – балбұлақтай қайран шағым.

Толық

Қарап көріңіз