Өлең, жыр, ақындар

Қалқан құлақ баяғы қара бала

  • 02.09.2020
  • 0
  • 0
  • 1553
Қалқан құлақ баяғы қара бала,
Талайларға бастапты аға бола.
Айтқан сөзі, ақылы, әрекеті
Сәйкеседі сәтімен заманаға.
Қара бастың қамы емес ойлағаны,
Бес ешкі емес ысқырып айдағаны.
Бар болмысын бабымен әдіптепті
Әрекет пен астарлы ой заманы.
Емеурінді ұғып тұр ебіңнен-ақ,
Демегіңді біліп тұр деміңнен-ақ.
Азамат-ақ болғалы тұр екен-ай,
Арманына түрі бар берілген-ақ.
Қимылында бір артық әрекет жоқ,
Пиғылында пәле жоқ, пәлекет жоқ.
Келе жатқан құрақтай жаңа көктеп,
Судырлайды құрақтай және де ептеп...
Талант емес, дана емес туған асып,
Заманына бірақ та тұр жарасып.
Тап осындай көп қазір інішектер
Бір-бірінен аумайды тұлғаласып.
Өсер перзент уақытқа, заманға сай,
Заман заңын алмайды жалаң жасай.
Заман жасау адамның қолында ғой,
Заман қамын ойлайық, замандас-ай!



Пікірлер (0)

Пікір қалдырыңыз

Мертіге жаздап, мерт бола жаздап кенеттен

  • 0
  • 0

Мертіге жаздап, мерт бола жаздап кенеттен,
Қаламын аман қалтылдап құйттай себеппен.
Соққанда дауыл солқылдап басын жерге ұрып,
Айрылмай қалған айыр бұтақтай теректен.

Толық

Мен – жастық, мен – жиырма бес, менің күнім

  • 0
  • 0

Мен – жастық, мен – жиырма бес, менің күнім
Құрлықтар құдіреті боп көрін бүгін.
Құлпыртқан туған елді қызуымның
Уақыт, сен берерсің көрімдігін.

Толық

Балта

  • 0
  • 0

Алғаусыз жүзің даттанып,
Мұқалғанбысың, мәрт темір?
Қып-қызыл отқа қақталып,
Қунамайсың ба, қарт темір?

Толық

Қарап көріңіз