Өлең, жыр, ақындар

Жақсылық туралы жыр

Ей, жарық күн, нұрыңды шаш далама,
шаш нұрыңды қарттарға, жас балаға,
ызғар сіңген жеріме шуақ керек,
мұқтаж оған ауыл да, астана да.

Сәулеңменен себеле үміт демін,
жер бетінен жылыссын күдіктерім.
Адамдардың сатқындық, сұмдығынан
қалжыраған жерімді жібіт менің.

Күңгірттенбей, көтерсін шыңым басын,
қарттарымның ұзартқын ғұмыр жасын.
Қорқыныш пен үрей жер кеуделерде,
қу бәрін де — соңына бұрылмасын!

Кетсін тағы шарықтап алысқа үнім,
қонақтасын ырыс пен табыс күнім.
Ұл-қыздары көтерсін қол ұстасып
қазағымның елдік пен намыс туын.

Жарқырасын шуақ боп алғашқы үміт,
жүректерді жүрекпен жалғастырып.
Адамзатқа бірлік бер, тыныштық бер –
ынтымақтан туындар бар жақсылық!



Пікірлер (13)

Ася

Өте керемет... Жүректен шыққан сөздер...

керемет

керемет

Кадирбай Айдана

Фариза апамның жүректен шыққан сөздері әрқашанда жүрекке жетеді...

Əділбек Аделя

Керемет

Айткенова Әсел

маған осы тақпаққа мелодия тауып берыныздершы

Гүлзира

Керемет,көмегі тиді,сізге рахмет

нұртілек

өте керемет

Қарақат

өте керемет жүректен орын табатын өлеңдер

Фатима

Маған Фариза әпкеміздің өлеңдері өте қатты ұнайды

Фатима

Соған орай сіңлімнің есімін Фариза деп қойдым

НҰРАЙ Қаблмәлік

Өте керемет өлеңдер жүректен өтеді.Фариза апамның өлеңдері жүректен шыққан

Пікір қалдырыңыз

Диван жақ бұрышта

  • 0
  • 0

Пеш қалдырды солғын мұнар –
шоқ табын.
Терезелер сөндірді бар
оттарын.

Толық

Тағдыр жайлы, ел жайлы, қаза жайлы

  • 0
  • 0

Тағдыр жайлы, ел жайлы, қаза жайлы,
өмір жайлы, дос жайлы жаз арайлы,
жақсы, жаман ойлар кеп оңашада
маған тыным бермейді, мазалайды.

Толық

Жырақта

  • 0
  • 0

Ұлы Индия!
Жалба-жұлба түріңе қарадым мен,
Мұң естідім сендегі қаралы үннен.
Ұлдарың жүр қарусыз дала кезіп,

Толық

Қарап көріңіз