Бұл жылдар кеткем қамысты көлдер – Қасымхан Бегманов

Бұл бетте «Бұл жылдар кеткем қамысты көлдер» атты Қасымхан Бегманов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 28.09.2020
  • 0
  • 0
  • 1008
Бұл жылдар кеткем қамысты көлдер
тауменен, таспен достасып,
Сен жаққа қарай тізіле ұшқан
құcтарға үнсіз қараймын.
Шұғыла шашып қарақат көзің
жымиып тұрып қоштасып,
Бұрала басып
ақырын менен ұзадың мәңгі, арайлым.
Жабырқау жанның жалғанда мынау
серігі жалғыз нала-мұң,
Он алты жасқа жете алмай жүрген
бозбала ол бір кезеңді.
Ұқсатып саған толықсып тұрған
туған айға қарадым,
Өскен ең кешіп
сыңғырлай аққан Сүңгідей сұлу өзенді.
Он алты жасқа жете алмай жүрген
жылдар ғой ол бір,
Қап-қара түнде шалқамнан жатып
арманшыл жұлдыз санаған.
Барлығы, жаным,
кешегі ұлы шайырларыңнан қалған сыр,
Адамның бәрін өзіңе жақын,
сырласар дос деп қараған.
Елестегенде есейгім келді
бөленіп нұрға шартарап,
Күні де мұңлы дүниені мынау
қимай да қимай бататын,
Өзіңе деген
сарқылмайтұғын сағынышымды арқалап,
Боранды жаққа
Бабайқорғаннан поездар өтіп жататын.


Пікірлер (0)

Пікір қалдырыңыз

Жиі қойылатын сұрақтар

Бұл жылдар кеткем қамысты көлдер өлеңінің авторы кім?

Қасымхан Бегманов — осы өлеңнің авторы.

Бұл жылдар кеткем қамысты көлдер өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бұл жылдар кеткем қамысты көлдер өлеңі не туралы?

Бұл өлеңде Қасымхан Бегманов өз ойы мен сезімін көркем түрде жеткізеді.

Бұл жылдар кеткем қамысты көлдер өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері