Мүмкін емес

Сен сүйесің,
Мүмкін емес сүймеуің.
Көзің айтты
Сендіретін сол мені.
Мүмкін оны әзір өзің білмеуің,
Мүмкін оны мойындағың келмеуі.

Мүмкін кейде нандыруың өзіңді
Сүйген емен,
Сүйе алмаймын деп оны.
Бірақ жұмып жүрмегесін көзіңді,
Бәрібір ол бір белгісін береді.

Сәл уақытта тына қалар тыныстай,
Мүмкін оны тұншықтырғың келуі.
Ал махаббат қыннан шыққан қылыштай,
Мүмкін емес бір жарқ етпей өлуі.

---