Орындалмайтын тілек

Тоқтат, әже, қиссаңды осы маңда,
Керемет той бар деген тосын алда.
Жайық жаққа жаз келсiн, сүйiншi де,
Төлеген мен Жiбектi қосып ал да.
Жайды жағалбайлылар керегенi
Қонды сазға алты қаз төбедегi.
Сенiң балаң болмаймын өйте берсең,
Неге өледi Жiбектiң Төлегенi?
Дүрiлдесiн Жайықтың қырат-қыры,
Өледi деп айтпашы жылап түбi
Ең болмаса жалғыз түн көңiлдi өтсiн,
Жалғыз түнi, ой алла, бiр-ақ түнi.