Өлең, жыр, ақындар

Қалай тез өттi, зу еттi қалай ботам-ай

  • 05.10.2020
  • 0
  • 1
  • 2126
Қалай тез өттi, зу еттi қалай ботам-ай
Кеп-кеше едi ғой бәрi де соның о, тоба-ай,
Ыңғайға бiрден құлай салатын боп барам,
Жылай салатын бол алдым тағы оп-оңай,
әжем секiлдi.
Жылай салам да жыртығым жаман бүтiндеп
Бүтiндемесем бүгiн өлердей күпiр боп
Ырым етемiн. Ырымым қырын кетедi
Қырын кетсе де сене беремiн шүкiр деп,
әжем секiлдi.
Байыз тапсамшы, шалабым бекер шайқамай,
Ескi дұғаны қайталай беремiн, қайталай.
Оқталып келiп тiрiлерге арнап айтпаққа
Өлгендерменен сөйлесiп кетем байқамай,
әжем секiлдi.
Бiлмеймiн, баста берместi неге сұрағам,
Жан-жағым түгел шытырман жолдар шұбаған.
Алысқа қарап отырам сосын күн салып
Келердей қайтып келмеске кеткен..... бiр адам ....
әжем секiлдi.



Пікірлер (1)

Жеңісбек

Есағаң ғажап ақын ғой шіркін

Пікір қалдырыңыз

2012 жылы қарға жазылған сонет

  • 0
  • 0

Көктем кешiктi
Көңiл жабырқау. Көктайғақ
Көше талдары көкке қол жайған көп бейбақ
Көп керек емес Алматыға да, маған да

Толық

Орындалмайтын тілек

  • 0
  • 0

Тоқтат, әже, қиссаңды осы маңда,
Керемет той бар деген тосын алда.
Жайық жаққа жаз келсiн, сүйiншi де,
Төлеген мен Жiбектi қосып ал да.

Толық

Шоқанның елге келуі

  • 0
  • 0

Жүдеп жүрген кезі еді ойлап елді,
Шоқан бірде ауылға тойға келді.
Сары қымыз, саф ауа, бағлан еті,
Темекі мен шарапты қоймақ енді.

Толық

Қарап көріңіз