Өлең, жыр, ақындар

Жұлдыздар

  • 06.10.2020
  • 0
  • 1
  • 1431
Біздің балкон жұлдыз жаққа жақындау,
Жоқ ол жақта еркек-ұрыс, қатын-дау.
Тыныш.
Тынық.
Сондай жерге жіберген
Жұлдыздардың әкелері ақылды-ау.

Дәл осындай мекенің бар тыныш қай,
Сондай жерде жүргенім де дұрыспа, ай?
Түк ойламай жаһандану туралы,
«Қазақ тілін білмейсің» деп ұрыспай

...Болмай жүдә бастықтарға кіріптар,
(Кресло, өртеніп кет, құрып қал).
Естен шығып... адал жүрген кісіге
Пайдасы жоқ әдеттер мен ғұрыптар...

Газет көрмей, радио тыңдамай,
Үкіметпен бірге ұрлап-жырламай
...Сондай жерде жүргенім де мақұл ма,
Айтшы, төрем, болар еді бұл қалай?

Кеңістік боп маңдай алдым, тастөбем,
Демей мүлде: «Мен де кейде жас төгем»....
Шіркін, сонда ойлар едім басқаша,
Шіркін, сонда жазар едім басқа өлең.

Оқып соны тамсаншы бір, таңданшы,
Бірақ, бірақ... бір мысалды алға алшы:
Қалқам мені іздейді ғой «қайда» деп,
Сөгеді ғой жұлдыздарды алдамшы...



Пікірлер (1)

То

Күшті

Пікір қалдырыңыз

Елу алтыншы жылы туғандар

  • 0
  • 0

Жаңартыңдар жүректеріңді ескірген,
Жайнаңдар. Кәдімгідей тулаңдар.
Кем емессіңдер ешкімнен,
Уа,

Толық

Өсірген анамыз

  • 0
  • 0

Жер ана – панамыз,
Ел ана – данамыз:
Өзгеше бәрінен
Өсірген анамыз.

Толық

Есік алды

  • 0
  • 0

Есік алды - Ертай Ашықбаев
Шықтым есік алдына,
Ойға қиял толып бір.
Желкілдеп тұр тал мына,

Толық

Қарап көріңіз