Өлең, жыр, ақындар

Қарындасқа тілек

  • 11.10.2020
  • 0
  • 0
  • 4949
Бір қыз бар көз жанары күлімдеген.
Ағаны асыл, ініні күнім деген.
Бағыңды тапшы құрбым бұл жалғанда,
Ерніңді сүйетін кеп дірілдеген.
Күле түс,
Күле жүргін хақың барда,
Қыз күлсін,
Қыз жайнасын ақың бар ма?!
Жандарды жылататын, жұбататын,
Жолама, есің болса ақындарға.
Жандар көп,
Шайпау ауыз, ойы надан.
Атаққа семіреді, тойынады адам.
Енесіне шәй берген алтын жансың,
Күйеуі өлсе дағы мойымаған.
Жандар аз, тірісінде бағалаған.
Жассың ғой, ұлды өсіру саған арман.
Танымай мені жақын білмесең де,
Дауысыңнан айналдым ағалаған.
Алла ісі,
Аллам ай, бол сақтарым.
Керемет күндерің ғой, сол шақтарың.
Жарқырап күле берші, шыдамдысың,
Жас болып төгілмесін моншақтарың.
Шыдамдысың,
Еркесің, еркің мықты.
Мойымайсың, қадамың еркін тіпті.
Күйеуі тірі кезде мастанып бір,
Ойлап жүрген әйел көп еркіндікті.



Пікірлер (0)

Пікір қалдырыңыз

Қос қария

  • 0
  • 0

Кәрі тауым Алатау бауырында.
Қысы ерекше керемет, ауылымда.
Атам мінген көкпарға торы айғыр,
Кісінейді тер кеппей сауырында.

Толық

Денис Тенді аза тұту

  • 0
  • 0

Айдынын тастап ұшты аққу арман.
Қаңқылдап өте барды гәкку жалған.
Бақа-шаян ылайлап тұнығыңды,
Иір-иір іздерді аққу салған!

Толық

Жасырынып тас атпаңдар бауырлар!

  • 0
  • 0

Жоқ адамға бауырым-ау кейіп көр.
Зомбилердей тап өздері, кейіпкер.
Мықты болса, жарқырап бір шықпай ма,
Атын, затын тұмшалаған «фейктер».

Толық

Қарап көріңіз