Өлең, жыр, ақындар

Сарбаздың Аруға сәлемі

  • 16.10.2015
  • 1
  • 0
  • 6183
Нәзік мұңы бірге кетіп көп күнмен,
Ұшады олар қыранға тән екпінмен:
Демалысқа қыстыгүні келсе де -
Ару қыздар, қарсы алыңдар шоқ гүлмен!

Жас жүректер сағынысқан болса анық -
Қарсы алыңдар жайраң қағып, ән салып.
Сездіңдер ме ол сендерді, ауылды
Осы жылда аңсағанын қаншалық!
Тынышбай Рахимов


Онда күз еді, тағы да енді күз келді,
Хазар жақтан ақша бұлттар жүзді енді.
Сол бұлттардан сарбаздың ұқ сәлемін,
Қауыштырар күн де жақын бізді енді.

Хат жазыстық, сыр айтыстық, ұғыстық,
Дегем талай: шекарамыз тыныштық.
Еліміздің шекарасын күзеттік,
Сол тыныштық - Отан үшін ырыс-құт.

Біз өткіздік әскердегі жылды, айды,
Енді көңіл жүрек әнін тыңдайды.
Сарбаздарға туған жері қол бұлғап,
Сағынышы бұрынғыдан ұлғайды.

Олар бүгін солдат болды - шыңдалды,
Өткізді де жауынгерлік сындарды.
Дейді енді: туған жер мен туысқа
Оралуға бізге қанша күн қалды.

Олар мұнда алды құрыш-тағылым,
Сәлемдерін елге жеткіз бәрінің.
Ұмытқан жоқ сарбаз бір сәт достарын,
Ойлады әр кез ата-анасын, Аруын.

Отан барда - қалмас ұлдар еленбей,
Қорған олар сауыт-болмыс берендей.
Өз көңілім өзің жаққа қол бұлғап -
Туған Отан - Сырға сәлем дегендей.

Кеше күз еді, тағы, міне, күз келді,
Сарбаз көңіл сағыныш боп жүзді енді.
Хазар жақтан тыныштық боп күлген күн
Аман-есен қауыштырсын біздерді!



Пікірлер (0)

Пікір қалдырыңыз

Енді олардың бірге өмірі, әнге толы бір кеші

  • 0
  • 1

Ұластырып бір шаттыққа күндері мен түндерін,
Ілестіріп қуанышқа думан сүйер дүрмегін.
Бабалары шежірелі тектен тарап өрбіген
Бір әулетке түсіп жатыр тағы, міне, бір келін.

Толық

Әпкеге тілек (сіңлі тілегі)

  • 1
  • 36

Демейміз күн күңгірт боп, таң адасты,
Сонда да, әпке, шаттық, мұң араласты.
Біздің үйден басталған бір соқпақ жол
Сені бізден бақытқа ала қашты.

Толық

Сынып жетекші

  • 0
  • 1

Шәкірт әр кез бағамдар,
Ұлағатын ұғып мың.
Ата-анаңдай алаңдар
Жетекшісі сыныптың.

Толық

Қарап көріңіз