Дәурен Айманбетов

Шыдатпастай құба қайғым

Бұл бетте «Шыдатпастай құба қайғым» атты Дәурен Айманбетов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

02.11.2020
0
0
921

Шыдатпастай құба қайғым,
Жалғыз келдiм, жұбат, айдын.
Оралмады аққуым сол,
Ләйлiсiндей Жұматайдың.

Айдын көл-ау, бұл адами,
Жалғаны ғой, сiрә фәни?
Құсым қонса шақыр менi,
Музасымен Мұқағали.

О, айдын көл, сенен ендi,
Кетем мен де көне бергiн.
Сағына жүр бiздi мәңгi,
Сағынышымен Төлегеннiң.

Толқисын ғой, қолқа салма,
Қала алмаймын мен қасыңда.
Мұңға шомсаң, күй өтiнiп,
Домбыраңды бер Қасымға.

Сенi аяп жас тамызар күн,
Сары уайымды сары жаңбыр.
Айдыныңды бұлт аймалап,
Оқып берер Мағжан жыр.

Қош!

Дәурен Айманбетов шыдатпастай құба қайғым Дәурен Айманбетов өлеңдері

Пікірлер (0)

Пікір қалдырыңыз

Жиі қойылатын сұрақтар