Өлең, жыр, ақындар

Мiнезiң бар түсiнбес сенiң қиын

  • 02.11.2020
  • 0
  • 0
  • 924
Ғашықтың тiлi - тiлсiз тiл,
Көзбен көр де, iшпен бiл.
Абай

Мiнезiң бар түсiнбес сенiң қиын,
Түседi де жүредi көңiл-күйiң.
Тiл қатуға өзiңе жүрексiнем,
Иiрер деп ұршықтай қоңыр құйын.
Тiлдесерге сөйлемнiң жетi үлгiсiн,
Дайындадым сөз саптап, не түрлiсiн,
Тағы тұрмын алдыңда тiл байланып,
Сөйлей қалсам жай атар секiлдiсiң.
Ғашық жүрек бәрiне көнерi шын,
Үнсiз аңсап жанына керегiсiн.
Басқа түсiп, түсiндiм, ұлы Абайдың:
"Ғашық тiлi - тiлсiз тiл" дегенiсiн.
Үнсiз сүю басыма түскенге ме,
Айналдым тез жапалақ құс - пендеге.
Менiң осы жайымды тiлсiз ұғып,
Көзбен көрiп, бiлмейсiң iшпен неге?
Мiнезiм бар менiң де ел түсiнбес,-
Күйсiз жүрсем құйынды жел пiшiндес.
Алдыңа ертең барайын сөзiмдi айтып,
Көңiлiмдi өтiнем, тек, түсiрмеш.



Пікірлер (0)

Пікір қалдырыңыз

Саябақ маңындағы бақылау камерасынан репортаж

  • 0
  • 0

Шуақ шашып тұрғандай бәдені шырай,
Мына қыздың, құдай-ау, әдемісін-ай.
Қазір ұқтым сұлулық немене екенін,
Неге керек екенін әлем үшін Ай.

Толық

Алло

  • 0
  • 0

Жаным-ау, жаны нұрдан, тәні гүлден,
Өзіңсіз қалмады өмір мәні мүлдем.
Сағынып, арпалысып сары мұңмен,
Қоңырау соғып тұрған тағы бұл мен!

Толық

Cенің көзің

  • 0
  • 0

Cенің мөлдір көзің қара нұр толы.
Баспасыншы торлап мұңлы бұлт оны.
Сұлулықты жазсам егер том-том қып,
Көздеріңе арналар-ед бір томы.

Толық

Қарап көріңіз