Өлең, жыр, ақындар

Сүйгендерге сезім биік төзімнен

  • 05.11.2020
  • 0
  • 0
  • 892
Сүйгендерге сезім биік төзімнен,
Бәрін қиған ғашықтарда айып не?!
Қылықтым-ау,
Нұр боп кіріп көзімнен,
Көкірегімде айналасың бәйітке.
Сұлулық деп жанарына жас бұққан,
Ақымақтау мен кім едім?!
О, тәубә!.
Ішем сосын жығылғанша мастықтан,
Қылығыңды құйып алып бокалға.
Дидарыңды жанарыммен ішіп-жеп,
Ғұмыр сүрем,
Басқасында ісім не?!
Жырлап жатам сымбатыңды мүсіндеп,
Тост айтып Хафизбенен түсімде.
Жалқы жүрек қызыл қанға боянып,
Түнде өртенем құштарлықтың отынан.
Ал, таңертең өзіңді ойлап оянып,
Оңашада өлең құсып отырам!



Пікірлер (0)

Пікір қалдырыңыз

Хас батыры боп ертегілердің

  • 0
  • 0

Хас батыры боп ертегілердің,
Әділдік үшін дұшпанды өлтірдім.
Жұмбақ қайғыға өртеніп өлдім,
Елесі қуып мыстан кемпірдің.

Толық

Нағыз ерлер жыламайды десең де

  • 0
  • 0

Нағыз ерлер жыламайды десең де,
Нағыз ерлер құламайды десең де,
Құласам да,
Жыласам да бәрібір,

Толық

Тоғысар түбі бағыты бірге

  • 0
  • 0

Тоғысар түбі бағыты бірге,
Сен едің ерке өзенім.
Ақ маржан шашар шабыты гүлге,
Тентек Текестің өзі едім.

Толық

Қарап көріңіз