Мұрат Шаймаран

Студент сағынышы

Бұл бетте «Студент сағынышы» атты Мұрат Шаймаран жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.11.2020
0
0
2255

Қысқы кеште, пеш түбінде
Ұршығыңды иіріп,
Отырсың ба, жаным Апа,
Көздеріңе мұң ұйып?!
Мазасыз бір түн үңіліп,
Боран əнге сала ма?
Кештеу қайтқан тентегіңдей
Терезеңді қаға ма?!
Отырсың ба секем алып,
Əлде неден алаңдай.
«Ер төстік» пен «Нан батырды»
Тыңдайтын жан таба алмай?!
Қиялшылдау жым-жырт бөлме,
Үмітіңді сабақтай,
Қуандың ба менен барған
Əр хаттарды парақтай?!
Терең сенің əжіміңде,
Аналардың бар мұңы.
Бір аллаға тапсырдың ба,
Жалғызыңның саулығын?!
Қысқы кеште, пеш түбінде,
Ұршығыңды иіріп.
Отырсың ба, жаным Апа,
Көздеріңе мұң ұйып...

Мұрат Шаймаран студент студент сағынышы Мұрат Шаймаран өлеңдері

Пікірлер (0)

Пікір қалдырыңыз

Жиі қойылатын сұрақтар