Өлең, жыр, ақындар

Сүмбіле жұлдыз туғанда

  • 15.11.2020
  • 0
  • 0
  • 1690
Мүлгіген қою орманда,
Адасып кеттім деп едім.
Сүмбіле жұлдыз туды алдан,
Жамылып бозаң желегін.
Қорқыттың қоңыр күйіндей,
Жаулады мені тыныштық.
Сүмбіле жұлдыз дірілдей,
Маңдайда тұрды тым ыстық.
Ойлы орман жайса қанатын,
Жанымды жұлқып секемім.
Мезгілдің соққан əр сəті,
Мен саған тəуəп етемін.
Арыстан ойым жоқ əлі,
Кəдігім менің əр сақта.
Жетелеп мені барады,
Бұраң да-бұраң соқпақтар...
Қалғиды таулар балбырап,
Үрейлі түнді бүркеніп.
Сүмбіле жұлдыз албырап,
Тұрады жарқын нұр сеуіп.
Ақырғы күннің аңсаған
Көзімде оты жарқылдап,
Білмеймін, қалай мен саған
Барамын шексіз жақындап?
Жортатын елес бұл маңда,
Жаңғырып тұрса күлкің де.
Сүмбіле жұлдыз туғанда,
Адасып кету мүмкін бе?!



Пікірлер (0)

Пікір қалдырыңыз

Студент сағынышы

  • 0
  • 0

Қысқы кеште, пеш түбінде
Ұршығыңды иіріп,
Отырсың ба, жаным Апа,
Көздеріңе мұң ұйып?!

Толық

Жалаңаш жалаулар, ұрда-жық ұрандар

  • 0
  • 0

Жалаңаш жалаулар, ұрда-жық ұрандар,
және де тұмандар,
тұмандар – Күмәндар.
Шаң басқан балағын шәкене Қазақтар,

Толық

Әмірхан Балқыбекке

  • 0
  • 0

Иегіменен көрсетті уақыт қыр жақты,
Қыр жақты бетке ап қызарып барып күн батты.
Өмірдің өзі қаншама құнды десең де,
Өлім де сондай қымбатты.

Толық

Қарап көріңіз