Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Жанат Жаңқашұлы

Уа, Қарқаралым

Бұл бетте «Уа, Қарқаралым» атты Жанат Жаңқашұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

16.11.2020
0
0
1036

Уа, Қарқаралым,
Айнала тау қоршаған,
Бұл биіктік маған да сор,
Сор саған!
Менің шерлі сағынышым мен мына бір,
Күре тамырымнан басталады жол саған!

Топырағың тәнге айналып,
Әнге айналып жүрегім,
Аумай қалған аспаныңнан түр-өңім.
Көкжиекке көз салсам,
Қабағындай әкемнің –
Қарқаралы сілемің!

Мен де сенің ерте өрген елігің,
Алматыдан – Қасымың,
Ақтоғайдан – Серігің,
Сағындырғанда,
Сағымнан туған періште яки перімін!

Қарт болам мен де,
Таяғына сүйенген,
Содан кейін, маған керек суйем жер!
…Өнген жерім болғаныңа сүйем де,
Өлген жерім боларыңа да сүйем мен!

О, туған жер, сен соны білемісің?..

Жанат Жаңқашұлы туған жер уа қарқаралым Жанат Жаңқашұлы өлеңдері

Пікірлер (0)

Пікір қалдырыңыз

Жиі қойылатын сұрақтар