Ағалар үшін президентке алғысым – Кәкімбек Салықов

Ақиқат ажары ашылды,
Әділдік шалқыған күн жетті.
Құлшындық бір сілкіп ғасырды,
Құртуға кертартпа індетті.
Сәкен мен Ебіней, Қаныштың
Аттары аспанда жарқ етті.
Шашқандай ақ сәуле жаны ұшқын,
Нұрсұлтан жойды ескі тәлкекті.
Тізгінді қолына алғанда,
Соққылап берді зор сұмдықты.
Жеттік­ау, қазағым, арманға,
Туды ғой бізге де күн құтты!
Қос ғалым, ақиық ақынның
Қуғында болғанын айтты анық.
Тілегін ақтады халқымның,
Үш ұлын құшаққа қайтарып.
Қаныш пен Сәкеннің есімі
Елдіктің еңсесін көтерді.
Дес келіп жас басшы шешімі,
Өкініш өкісігі өтелді.
КарГУ­дей өзінің төл ісі
Ебіней атына берілді.
Жан аға өркендеп әр ісі,
Тарқатты көкіректе шерімді.
Мың алғыс айтамын, Нұреке!
Үш жұлдыз, үш дүлдүл атынан.
Әр ісің тапсын зор береке
Әлемдік жарысқа шақырған.