Өлең, жыр, ақындар

Қоштасарда

  • 03.01.2021
  • 0
  • 0
  • 708
Жалғыз сөз айттың,
Лүп етті менің жүрегім,
Жалт қарауыммен
Қайта бір айт деп тіледім.
Қиылып қана
Сабырлы жүзбен қарадың
Жан жүрегіңді
Ақтарып маған тұр өнің.
Жабылған ымырт,
Қарбалас сол бір кездегі
Айнала бізді
Қоршаған қауым сөз бе еді!
Тілсіз де үнсіз
Ұғындырдың, сен жаныңды
Қараңғы кеште
Ұғыстық сырды көздегі.
Осынау халге
Тұрғанда білмей не дерді,
Аспанға ақ құс
Алды да мені жөнелді.
Бір ғана сәтке
Қалғып кеткендей күй кешіп,
Аунақшып көшкен
Ақ бұлтпен ойым теңелді.



Пікірлер (0)

Пікір қалдырыңыз

Жас жүрекке

  • 0
  • 0

Көзге ыстық көрінесің,
Жастық жыры, «Жас жүрек»,
Қалады бір көңіл өсіп,
Айтса қауым жақсы деп.

Толық

Ағылшын жоқ Алматыда

  • 0
  • 0

Ағылшын жоқ Алматыда,
Ағылшынша жарнама,
Ана тілінді ауызға алма,
Орысша да сарнама.

Толық

Сүйе білсең...

  • 0
  • 0

Сүйе білсең,
Сүйсіндіре білер ем.
Сен жымисаң,
Балаша мәз күлер ем.

Толық