Өлең, жыр, ақындар

Өзімді-өзім қорғадым

  • 31.05.2021
  • 0
  • 0
  • 903
Өзімді-өзім қорғадым,
өзімді-өзім қолдадым,
ыстыққа да күйгенмін,
суыққа да тоңғамын.
Отқа салса — мақтадым,
суға салса — батпадым,
өзімді-өзім кінәлап,
өзімді-өзім ақтадым.
Ерлігі ме жеке ердің,
өткізбедім бекер күн,
төмендетіп өзімді,
өзімді-өзім көтердім.
Көтерілдім, көктедім,
жетіп жүрдім,
жетпедім,
арызым жоқ ешкімге,
қарызым да жоқ менің.
Тоймадым ба, тойдым ба,
көп жүгірдім ой-қырға,
өте кеткен ешкімнің
борышы жоқ мойнымда.
Сондықтан да
О, көкем,
сойдың бірі боп өтем, —
Ата-анамнан басқаға
Берешегім жоқ екен!..



Пікірлер (0)

Пікір қалдырыңыз

Дәлеледеп келем

  • 0
  • 0

Ұнатам әлі тазаны ғана,
түгім жоқ, досым, өзгерген,—
өмірдің ащы азабына да,
мазағына да төзгем мен.

Толық

Қырға шығып

  • 0
  • 0

Қансын құмар, қалсын да бір басылып,
Қырға шығып қайтайын, қырға шығып.
Көптен бері көңіл де алағызып,
Кермені үзер тұлпардай тұрды асығып.

Толық

Ақ шағалам

  • 0
  • 0

Ақ шағалам!
өзің барда болып па ем басқаға алаң,
Өзің барда, апыр-ау, көзге іліп пе ем,
аяғымның астында жатса ғалам!

Толық