Алтай аға – Гүлнұр Мұратхан

***
Күз деген «Мен..»
Күз деген «алтай аға..»
Тау тұрады алыстан бас ағартып.
Қазіргі сәт. Көшелер.
Парк «Абая»
Көңілім асау, албырт.

Күз деген «Мұң»
Ал, мұңды кешпедік пе?
Бізді іздеген таңды да атыр, ақтар
Қазіргі сәт. Күзгі бақ.
Естелікте,
Тапталған жапырақтар!..

Күз деген «Мен..»
Күз деген тағы да «Мен..»
Жерге қарай құлаймын биік тұрып!...
Құдай егер тағы да табын десе,
Жүрекке табынар ем,
Сүйіп тұрып..

Сүю бәлкім,
Тілсіз күздің сыбдырын есіткенің.
Есіткенің әлемді, есті қия
Тәңіріңнен басқаны ұмыттырған
Сен сезімді осылай кешіп пе едің?
- Есті қия,
Жарығым, кештім, Иә!..

Гүлнұр Мұратхан