Өлең, жыр, ақындар

Күз жылайды төгілтіп жапырағын...

  • 03.02.2021
  • 0
  • 0
  • 811
Шырқамақ боп тірліктің батыл әнін,
Өксік толып көмейге аһ ұрамын.
Артта қалған жылдарға жоқтау айтып,
Күз жылайды төгілтіп жапырағын...
Күннің жарық нұрынан қуат дарып,
Түн жатады жұлдыздан шуақ тамып.
Жалған намыс,атақты тәрк еттікте,
Бойда жалғыз "Сенімді" құлатпадық.
Толғанбадық ел жайлі өте бердік,
Бұл далада көп аңыз,жетеді ерлік.
Біз ғұмырдың бүктеп ап күз,көктемін,
Мезгілдерге сый қылып кете бердік.
Арзан атақ,асқынып сасық даңық,
Қайда кетіп барасың ғасыр лағып.
Тіл астында тұншыққан бар шындықты,
Күй толы көкіректен жасырмадық...
03.09.2018



Пікірлер (0)

Пікір қалдырыңыз

Сол баяғы үнсіздік...

  • 0
  • 0

Өр рухым аспанға ұшып өрледі,
Сүлдерімді көзге ілместен жердегі.
баяны жоқ бақыттарға бағынған,
Адамдардың бәрі қандай шерлі еді?

Толық

Дағдару

  • 0
  • 0

Кезбе бұлттар кеңістікте қаңғырып,
Қара таудан естіледі жаңғырық.
Тірлігіне пенделердің аярлық,
Аспан тұрды төбесінен паң күліп.

Толық

Адалдықтың бесігісің ауылым...

  • 0
  • 0

Тудыратын бөрі кеуде, тау ұлын,
Тарқатпаған сайраны мен сауығын.
Аңқылдаған,жарқылдаған қауымы,
Адалдықтың бесігісің ауылым.

Толық

Қарап көріңіз