Өлең, жыр, ақындар

Бозжорға

  • 12.02.2021
  • 0
  • 0
  • 1232
Ахмет Байтұрсыновтың аруағына
«Бозжорға, жорғаңа бас, алдыңда ел жоқ».
(Халық әнінен)

Бозжорға, жорғаңа бас төгiлдiрiп,
Жарасып алқымыңа өмiлдiрiк.
Көз жұмған мәпелеген иең сенiң,
Ен жайлап, epкін жүрген жерiңдi ұмыт.
Жұқпасын көсiлгенде шашаңа шаң,
Саған сын аяқты тең басамасаң.
Бозжорға, жорғаңа сал сүзiп тiзгiн,
Анау бiр қоңыр белден қашан асам?
Керемет сауырыңда құйысқаның,
Сен кердiң қу тipлiктiң ұйысқанын.
Әкемнiң сипалаған, сағындым-ау,
Жалыңның қасиеттi күміc талын.
Бiлемiн шемен-шердiң тарқамасын,
Әйткенмен өмірде әлi бар таласың.
... Сен жүрсiң өгейсiнiп жат қолында,
Болыпты шоқпыт-шоқпыт арқа-басың.
Қайғының құламаспын құрдымына,
Кетейiн дүбiрлетiп қырды мына.
Бозжорға, жорғаңа бас, бiрақ алда,
Әкем жоқ оралатын шылбырыма.



Пікірлер (0)

Пікір қалдырыңыз

Қырық темірдің қылауы

  • 0
  • 1

Қырық темірдің қылауы.
Қырқысқан халық.
Кемпірлер жүр ғой қоярдай жыртыстан қалып.
Шіретті көрсе өңмеңдеп, ержеңдеседі,

Толық

Тас жастанып

  • 0
  • 1

Тас жастанып,
Құз-шатқалды шарладың,
Соңыңа ерген құмай тазы –
Арланың.

Толық

Қыстауым, балдәуренім, Көлденеңім

  • 0
  • 1

Қыстауым, балдәуренім, Көлденеңім,
Зарығып, сағыныштан шөлдегемін.
Шіркін-ай бақытты кез ...
Сенен басқа,

Толық

Қарап көріңіз