Әділбек Ыбырайымұлы

Кеудеңе шер құямын шүпілдеген

Бұл бетте «Кеудеңе шер құямын шүпілдеген» атты Әділбек Ыбырайымұлы жазған мұң туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

12.02.2021
0
0
783

Кеудеңе шер құямын шүпілдеген...
Жүрсің бе жолға қарап күтуменен?
Жәутеңдеп қос жанарың сағынарсың,
Айналдым жүрегіңнен лүпілдеген.
Үкімі бәріне ортақ бір Алланың,
Өзіңсіз байыз тауып тұра алмадым.
Күндіз де сені іздеймін, түнде де ылғи,
Жалғыз сен – алыстағы шырағданым.
Әйтеуір алабұртып, елегіздім,
Іздемеске қу көңіл көне ме, Ізгім?!
Ақылым осыншама аңылжырдай
Тіліңнен бал-шырынды неге еміздің?
... Кеудеңе шер құямын шүпілдеген,
Тұршы сен самал желпіп шытыңменен.
Талыққан көңіліме демеу болсын,
Алыстап кете көрме, үкім менен.

Әділбек Ыбырайымұлы кеудеңе шер құямын шүпілдеген Әділбек Ыбырайымұлы өлеңдері

Пікірлер (0)

Пікір қалдырыңыз

Жиі қойылатын сұрақтар