Өлең, жыр, ақындар

Қарасора

  • 12.02.2021
  • 0
  • 1
  • 710
Бозарыпсың боз дала нала сора,
Бетегең де тыныпты аласара.
Зеңгітетін басыңды бейуақыт,
Кеткенге ұқсайд көбейіп қарасора.
Қарасора келетін тебінгіден,
Күтсем күтем тек сенен өлімді мен.
Шеккендердің «азайып» қайғы-селі,
Өмір сүру оларға жеңіл білем.
Жеңеріне адамды сенімді ме ең?
Қарасора – қара мұң қара батпан,
Орын алдың оңдырмай бар алаптан.
Әлдекімдер тұншықса түтініңе,
Қадады ине біреулер жаралап тән.
Қалжырайды буыңнан...
Құнығады,
Сұмдықпенен санасы былығады.
Құны әлемнің ол үшін бақыр тиын,
Саудың тілін содан соң кім ұғады?
Кәйіп қурай – атауың қарасора,
Аздырасың қоғамды жара сала.
Менің халқым көреген,
Әу бастан-ақ,
Боларыңды білген ғой қара сор, ә-ә ...



Пікірлер (1)

Пікір қалдырыңыз

Бір бақытты мен күтетін әкелер

  • 0
  • 0

Бір бақытты мен күтетін әкелер,
Болашақтан туса сондай сәт егер.
Әйтсе дағы болып жатыр қателер.
Шапағымен еркелетіп, мәпелер,

Толық

Жанына батты – жайлаудың әрі қашқаны

  • 0
  • 0

Жанына батты – жайлаудың әрі қашқаны,
«Мендей еркесін кімдермен айырбастады?»
Қара жұрт жатты құлазып ұлы келгенде,
Сүреңсіз тіпті, мөп-мөлдір байырғы аспаны.

Толық

Қашаған

  • 0
  • 1

Шығаннан шығып, жеткізбей не бір саңлаққа,
Ілінбей кетті-ау ...
Қашаған екен, қармаққа.
Соңынан салған қос жігіт лағып,

Толық

Қарап көріңіз