Эссе және өлең-жыр байқауы

Тілек

  • admin
  • 12.11.2015
  • 0
  • 0
  • 2649
«Ауру - сырқау айналып,
Елдің құты қашсын!» - дер.
Әлпештеген біреудің
Жаңа түскен келінін -
«Қара албасты бассын!» дер.
«Әулиеге ат айтып,
Қорасанға қой айтып,
Абыржып әбден сассын!» - дер.
«Ат терлетіп алдырып,
Басына зікір салдырып,
Дәулетің сүйтіп шашсың!» - дер.
Бұл - басқылар тілегі.
Сондай тілек бола ма,
Жақсылардың тілегі?
«Жаны ардақты жақсының,
Күнде бірі өлсін!» - дер.
«Жаназасын оқы, - деп, -
Шақырушы келсін!» - дер.
«Скат, құран шығарып,
Мал мен мүлкін бөлсін!» - дер.
Сол бөлінген олжадан,
«Өзгелерден көбірек,
Сыбағама берсін!» - дер.
Бұл - молдалар тілегі.
Жақсы тілек бола ма,
Сонда олардың тілегі?
«Ақ жарылқап, күн туып,
Күнде қызық болсын!» - дер.
«Келін түсіп, ұл туып,
Үйге бала толсын!» - дер.
«Ел, азамат аман боп,
Басыңа бақыт қонсын!» - дер.
«Жамандық тілек тілейтін.
Жауыздық гүлі солсын!» - дер.
«Ойын - ойнап, жыр - жырлап,
Мерекелеп той - тойлап,
Жұрт жиналып келсін!» - дер.
Бұл - жыраулар тілегі.
Сол тілекті тілейтін,
Мен солардың біреуі!
Молдалар, сауат іздесең,
Құранды оқы молаға.
«Басына түне» демеймін,
Келіңдер қайтып қонаға.
«Өлім барды шашады,
Жоқтың артын ашады»,
Қосыла сендер тонама.
Жылап - сықтап жатқанда,
Олжада ойы барларың,
Қараң құрсын, жолама.
Тірінің көңлің ауласаң,
Дүние үшін жолдан алмасаң
Мен сендерден садаға!
Құран оқып күніреніп,
Сары уайым саласын,
Берсе қағып аласың,
Соларың дұрыс бола ма?
Қажеті болса сөзімнің,
Аямаңдар, айта бер,
Көңіліме менің қарама!


Жамиығы қазақ бір туған

  • 0
  • 0

Атамыз алыс болғанмен,
Жамиғы қазақ бір туған.
Бір пәлеге жолығар,
Есебін таппай сөз қуған.

Толық

Азамат

  • 0
  • 0

Жасаған өзі жарылқап,
Жер жарылып көктейді.
Берейін десе жігітке,
Талабын құдай етпейді.

Толық

Не артық

  • 0
  • 0

Қу қанжыға жүйріктен
Қаба жалды берік артық.
Жылауы жоқ тымақтан
Баса киген бөрік артық.

Толық

Қарап көріңіз



Пікірлер (0)

Пікір қалдырыңыз

×