Өлең, жыр, ақындар

Аллаһқа тәубе

  • 10.03.2021
  • 0
  • 0
  • 1155
Аллаһқа тәубе,
Шүкірлігім жүректе,
Жанар шіркін қайта жанбас бір өшсе!
Сынақ күнім сынап болып сырғыды,
Ауыр тиді айлар аунап, жыл өтсе.
Аллаһқа тәубе,
Мендейлердің тәні мың,
Мен естідім тамылжыған таң үнін.
Сұр тұманда жол іздеген жан едім,
Барар жерім, бағытымды таныдым.
Аллаһқа тәубе,
Құлдығымды құптадым,
Оқылсын деп Бамдат пенен Құптаным.
Жүрегімді, Аллаһ, өзің жарқырат,
Келмес әсте өлекседей құрттағым.
Аллаһқа тәубе,
Кезегім кеп туылдым,
Білдім соны, ұраным кім, туым кім.
Күймесем деп жалынында тозақтың,
Нәпсімді ұстап, тайқазанға қуырдым.
Аллаһқа тәубе!



Пікірлер (0)

Пікір қалдырыңыз

Тамшыдан тасыған су құралады

  • 0
  • 0

Тамшыдан тасыған су құралады,
Арымның аз емес-ау, күнә-дағы.
Жалғаннан жаман зардап үйір еткен,
Жанымның жазығы мен қыр алабы.

Толық

Шыдамас

  • 0
  • 0

Қайда, шіркін, кесіп түсер шын алмас,
Көлбақа көп көлшігінен шыға алмас.
Ойы жұтаң, сөзі нәрсіз, тұрақсыз,
Адамдар бар арамызда шыдамас.

Толық

Күн нұрынан күнде ерте қуаттанып

  • 0
  • 0

Күн нұрынан күнде ерте қуаттанып,
Көк аспаннан көңілге шуақ тамып,
Жан қалауы жамырап жақсылыққа,
Шұрқырайды жылқыдай суат барып.

Толық

Қарап көріңіз