Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Аллаһқа шүкір

Дәулетбек Байтұрсынұлы

Аллаһқа шүкір

  • 10.03.2021
  • 0
  • 0
  • 850
Аллаһқа шүкір,
Күй кешіп жүрмін тамаша.
Көңілдің көзін
Жайнатты атқан таң аша.
Арадан өрген
Нараздық-өкпе осылай,
Көктемгі будай
Көтеріліп бір тараса...
Тіліміз келіп,
«Кешірші!» деген шындыққа,
Ашыққа шықсақ
Қалтарыстардан мың бұқпа.
Өзгеріп өмір
Тіршілік тербер бесіктей,
Болмайтын еді
Менмендік деген сұмдық та.
Аллаһқа шүкір,
Сен берген жолдан нұрландым,
Келмейді енді
Ласқа батып былғанғым.
Пайғамбарымыз
Көрсеткен мінез – көркіміз,
Әнеки, күліп,
Көтерді басын қырдан күн!

Дәулетбек Байтұрсынұлы аллаһқа шүкір Дәулетбек Байтұрсынұлы өлеңдері

Пікірлер (0)

Пікір қалдырыңыз

Бүгін тірі жүргендігім тік басып

  • 0
  • 0

Бүгін тірі жүргендігім тік басып,
Болу емес даяр асқа тік қасық.
Құлшылықпен еңбек ету Аллаһқа,
Тыңдап құран, Жұма намаз құтпасын.

Толық

Бірлікке бастар бір Алла

  • 0
  • 0

Он бес пе, өткіздік пе жиырмасын,
Ғасырлар, бізден өте қиырдасың.
Сарнауға тілің келмей мелшиесің,
Сары құм көмейіңе құйылғасын.

Толық

Күн нұрынан күнде ерте қуаттанып

  • 0
  • 0

Күн нұрынан күнде ерте қуаттанып,
Көк аспаннан көңілге шуақ тамып,
Жан қалауы жамырап жақсылыққа,
Шұрқырайды жылқыдай суат барып.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер