Өлең, жыр, ақындар

Ымыртта

  • 21.03.2021
  • 0
  • 0
  • 1990
Көл Шалқар, кеште көрдім айдыныңды,
Төсіңнен тостың маған ай нұрыңды,
Томсарған тунығыңнан тұрдың есіп
Бір тыныш, жүрегіме жәйлі жырды.
Үргедек, қонып жатты ерге ымырт,
Батыста байып баяу семді қызғылт.
Шоршыган шорағайлар арасында
Келемін қайығымды есіп жым-жырт.
Кербез кеш бар екен-ау мұндай, тоба!
Мүлгиді жиектегі тұнған қоға,
Қырдағы қиқу салған қызғыш сорлы,
Ақыры, жік-жапар боп тынды-ау о да.
Тұрғанмен айналада бағы өмір,
Бәрін де қымтап, қымқап алды іңір,
Қыршындай көп қызығын көре алмаған,
Күн кетті бұл дүниеден тағы да бір.



Пікірлер (0)

Пікір қалдырыңыз

Кәрі бүркіт

  • 0
  • 0

Талғардың тарғыл тасына
Шалдығып қонды шәу бүркіт.
Тұлдырсыз тақыр басына
Қарашы тұрды қар бүркіп.

Толық

Шаңғытбай қорасында

  • 0
  • 0

Кіндік қаным тамған жер, тиген өкшем!
Жатыр, міне, тып-типыл жермен жексен.
Жыңғыл жондым бұл жерде, сақа құйдым,
Енді, міне — құлазып қалған тепсең.

Толық

Туған жер

  • 0
  • 0

Сүйемін тунгі орманның
Ордалы нуын оңаша:
Төңірегім – баяу толған үн,
Көргенім – кілең тамаша.

Толық

Қарап көріңіз