Өлең, жыр, ақындар

Қорқам ба текке

  • 07.04.2021
  • 0
  • 0
  • 523
Қате айтсам сына,
Мойында күнә.
Көбейіп кетті
Бұл күнде міне —
Жаралайтындар
Адамның жанын,
Қаралайтындар
Қарындас арын,
Паралайтындар
Биліктің бәрін.
Шайқаса болды
Патшаның тағын.
Тайдырса болды
Сыйлының бағын.
Осылай қамдар
Қара бас қамын.
Абырой, намыс
Қалдырды қалыс.
Өтеді өмір
Тындырмай бір іс.
Арманнан алыс,
Бар ойы табыс.
Жығылғандарды —
Бір тарпып қалу.
Таланғандарды —
Бір қарпып қалу.
Сүрінгендерге —
Сықылық қақса,
Арындыларды —
Құрығы тапса,
Дарындыларға —
Қақпаны шапса
Тойып жеп, сосын
Ықылық атса
Ойлайтын ой жоқ
Сілейіп жатса
Қарындас сондай
Бұрыннан көп пе?
Мен әлде осы
Қорқам ба текке?



Пікірлер (0)

Пікір қалдырыңыз

Пайда болды бір сұрақ

  • 0
  • 0

Шопыр болдым ел мақтаған атақты,
Шеберi деп өз iсiнiң атапты.
Мәшiн айдап отыз жылды өткiздiм,
Жазда бiр ай тасып бердiм масақты.

Толық

Шындық іздеп

  • 0
  • 0

Шындық іздеп ұзақ жүріп қалыппын,
Кейбір шындық торықтырдың, налыттың.
Өз шындығы бар-ау, ғажап, малғұнның,
Пенденің де, тіпті тұтас халықтың.

Толық

Алыста жүрген ағайын

  • 0
  • 0

Сақтаған ұзақ сан жылдар
Қанжардай күңгiрт тартты ма?
Жарқ етшi, кәне, сағыныш,
Жарып шық теңдi, қапты да.

Толық

Қарап көріңіз