Қош келдің

Ұлы мен қызы дос елдің,
Есімін білген күллі әлем,
Құшағым, міне, қош келдің!
Халқынан қазақ мың сәлем!
Қош келдің, міне, төріміз,
Өзіндей мен де бауырмал.
Құрметім әзір көріңіз,
Қадірмен аға бауырлар!
Поэзия кегінің
Жұлдызы ақын Зүлфия,
Сіңлің мен де өзіңнің,
Жаныма жарқын жыр ұя.
Күләшімнің құрбысы,
Қош келдің бұлбұл, Халима,
Өнердің озық үлгісін
Өзге деп қауым тани ма!
Ұлы мен қызы дос елдің,
Есімін білген күллі әлем!
Құшағым, міне, қош келдің!
Халқынан қазақ мың сәлем!

---