Әбілда Аймақ

Жарқ ететін бір сәт те жетеді дей ме

Бұл бетте «Жарқ ететін бір сәт те жетеді дей ме» атты Әбілда Аймақ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2021
0
0
1022

Жарқ ететін бір сәт те жетеді дей ме,
Жалт-жұлт етіп алдымнан өтеді бейне.
Сәл ашылып тұратын омырауынан
Қос анары көрініп кетеді кейде.
Басын шатып сол мезет құлқын әр ненің,
Торға түскен жүрегім бұлқынар менің.
Өзіңе қарап телміріп, мелшиіп қалып
Тұрған сәтімде демім де қырқылар дедім.
Буындырып заһарды жиі ішкен мені,
Арманым алдап, әйтеуір күйіс келмеді.
Кімді тентек етпейді жалғанда мынау,
Екеуінің керемет түйіскен жері.
Бұл құдайдың өлеңге жарытқаны анық,
Жыр жазамын сезімге шалықтап алып
Жарқ-жұрқ етіп тағы да алдымнан өтсе,
Жүрмес пе екем тал түсте талып та қалып.

Әбілда Аймақ жарқ ететін бір сәт те жетеді дей ме Әбілда Аймақ өлеңдері

Пікірлер (0)

Пікір қалдырыңыз

Жиі қойылатын сұрақтар