Өлең, жыр, ақындар

Жай қанатыңды, серме, Қазақстаным!

  • 16.11.2015
  • 0
  • 0
  • 3950
Жай қанатыңды! Сермеші, Қазақстаным!
Күн жаңа туды!
Кернеші аспан тұстарын.
Әуе батыры - Әубәкірұлы арқылы
Болды-ау бақыт - ғарышқа ғажап ұшқаның.
Отыз жыл аттай ойлаған арман, үмітке!
Өзегі толған өкініш, өкпе, күдікке,
Жаһанды баққан жаратқан ием, қуат бер,
Жұлдызды қуған мынау қоңыр жігітке!
Арманын көріп, көзінің жасын бір сыққан,
Түрікті кеше түгендеп келген Нұрсұлтан!
О, дүние! Оның түсінер ме едің сол сәтін
Күбірлеп тұрған:
"Сақта,- деп,- тілден, қырсықтан!"
Қазақы мінез - қаусырған жалпақ туысты,-
Оңы мен солын, Батысты, байтақ Шығысты,
Қақ жарып көкті ағысын көріп қазақтың
Бүкіл дүние көздерін алмай тұрысты!
Самға, Тоқтар! Тоқтамай солай жүйткі Сен!
Қақ дабылыңды, Дала боранындай ұйтқы Сен!
Бар қазақтың жүрегін алып барасың,
Құлдыққа көнбес Ұл боласың ба, бүйтпесең!
Жай қанатыңды, топшыңда күштің қос бәрін,
Республикам - Еріктім менің, бостаным.
Тарихи таңның шапағат нұрын жамылып,-
Ерлігің сенің - Елдердің басын қосқаның.
Солардың адал тілегі бізді оңғарсын!
Асықпа, бауырым, алатын алда заңғар шың!
Топалаң жылды тойға ұластырған ғажайып,
Тарихта солай Тоқтарың тартқан жол қалсын!



Пікірлер (0)

Пікір қалдырыңыз

Гүл ішіндегі хаттар

  • 0
  • 0

Сәске түс. Июльдің бір балбыраған
Күні еді, ыстық, сәуле жамыраған.
Қаз-қатар ақ теректің саясымен
Ағылған Алматыда қалың адам.

Толық

Тау толқындар

  • 0
  • 0

«Тау толқындар, тау толқындар,
Ту ар теңіз сілкінсе!
Қал қасымда, қалсаңшы, жар,
Ауға бармай бір күнше!

Толық

Ежелгі емендер

  • 0
  • 0

Өткенге іштей салауат айтып,
Жұбатпақ болып өзгені мәз ғып,
Оралдым туған үйіме қайтып,
Жиюға тәтті көңілге азық.

Толық

Қарап көріңіз

Пікірлер