Әбілда Аймақ

Жырылғандай аузымнан бұйырғаным

Бұл бетте «Жырылғандай аузымнан бұйырғаным» атты Әбілда Аймақ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.04.2021
0
0
626

Жырылғандай аузымнан бұйырғаным,
Сырғақсиды алдымнан сиынғаным.
Екеу болдық, деп едім «құралармын»,
Жоқшылықтың таттым шын биыл дәмін.
Күн аунайды, төбемнен, түн аунайды,
Сүйген жарым көз жасын бұлаулайды.
Жамай алмай жыртығын отауымның,
Ақпан қары көңілде қылаулайды.
Дұшпандарым көп еді табалаған,
Қарындасым жоқ еді ағалаған.
Шырылдаған жанымның қарлығашы,
Арман – үйдің шатырын паналаған.
Күн сәулесі түспей бір шаңырақтан,
Жастайымнан қу тағдыр аңыратқан.
...Жетімдерді жұбата алмайды екен,
Жүректегі махаббат жалын атқан.

Әбілда Аймақ жырылғандай аузымнан бұйырғаным Әбілда Аймақ өлеңдері

Пікірлер (0)

Пікір қалдырыңыз

Жиі қойылатын сұрақтар