Әбілда Аймақ

Тағдыр салса не күнді кешесің де

Бұл бетте «Тағдыр салса не күнді кешесің де» атты Әбілда Аймақ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.04.2021
0
0
635

Тағдыр салса не күнді кешесің де,
Темірланның көп жүрдім көшесінде.
Көз алдымда ластау сырахана,
Одан бөлек түк те жоқ еш есімде.
Азанымен шараптан тартып алып,
Қандай ойға дейсің бір малтымадық.
Содан кейін таныстар кездесер деп,
Жүретінмін,
Қолымда жарты балық.
Жалғыз мендей өмірде тентіреген,
Ісім болмай басқаның дертіменен.
Сырахана шетінде тұрушы едім,
Жүрегімнің алысып өртіменен.
Жерім жоқ боп басқалай шегінетін,
Бар қабырғам қақырап, сөгілетін.
Саптыаяққа шынымды, сырымды айтып,
Көзімнен жас моншақтап төгілетін.
Тағдыр салса, не күнді кешесің де,
Темірланның көп жүрдім көшесінде.
Көз алдымда ластау сырахана,
Одан бөлек түк те жоқ еш есімде.

Әбілда Аймақ тағдыр салса не күнді кешесің де Әбілда Аймақ өлеңдері

Пікірлер (0)

Пікір қалдырыңыз

Жиі қойылатын сұрақтар