Заман мұңы

Ұмытамыз еліміздің тариxын біз,
Ұмытамыз қариялардың ақылын біз
Жанын беріп, біз үшін қан төккен де,
Ұмытамыз батырлардың ерлігінде.

Кім екенін ұмытқан өз қазағым,
Бірін-бірі өксітіп қатырады!
Жолынан бір қандас бауырларын,
Артынан пышақ салып тайдырады.

Тоқтар емес жаман ниет әлі де,
Жақсы ниет әр адамда болса ғой
Тынышталар сол кезде жас-кәрі де,
Қызғаныш пен мақтаныштық өшсе егер.

Жастардың жаман жолға ұшырауы,
Бұл қазіргі заманның құлдырауы.
Жылдар бойы, ғасыр бойы сақтап келген,
Ата-бабам үмітін ақтамауы.

Не істесе де жақпайды қазір бізге,
Айтыңдаршы, не көрінбейді көзімізге?
Заман өте, уақыт жылжып бара жатыр,
Ой-сана, ақыл-ой қалып жатыр.

Ақшаға тең емес ақыл құны,
Кімге керек деп ойламайды ешкім мұны
Мазалайды жан-дүниемді осы бір жайт,
Жүрегімде дақ боп тұрған заман мұңы.

---