Сырлы сезім

Ойнайды ішімде бір сырлы сезім,
Сол сезімді айналайын, сен де сезін
Тұңғиық көздеріңе қарай беріп,
Тереңдете, тұтқынына түскен кезім

Тағдыры өмірімнің сен едің бе?
Тағдыры өміріңнің мен едім бе?
Болшы мендік, болайын, мен де сендік
Қолыңды бер, көп күттірмей, жүрші, кеттік

Қызыл түске боянған еріндерің,
Қызыл түсті раушанды кейіптейді
Қызыл түсті көйлегіңді киіп шықсаң,
Жүрегім көңіл тасып, елжірейді

Көңіл тасып, елжіресе десе, демек
Бұл жанға басқа жаннан көмек керек
Күнделете, түнделете сені ойлай
Махаббат деп шырқайды тасқан жүрек...

Шегі бар махаббатың ойынында
Ойымдасың, бірақ жоқсың қойынымда
Өзгеге ертең көңіл сала ма деп,
Ол жағын, жаным, мүлдем уайымдама

---