Өлең, жыр, ақындар

...әй, дегенмен,.. дегенмен

  • 28.05.2021
  • 0
  • 0
  • 428
...әй, дегенмен,.. дегенмен,
бұлай бола қояр деген жоқ ем мен,
бөрі-тағдыр бебеулеген қозымды
ағытып алып кете берді-ау көгеннен.
Желідегі желкілдеген құлының,
жетегінде кете берді-ау "ұрының",
бар үмітім былай қалып бір күнде,
лайланып шыға келді-ау тұнығым!
Адал өскен алаңғасар аңғалым,
аңғармады алдында апан, жар барын,
көрген түстей болды-ау бұлдыр дүние,
енді-енді бір шыққан кезде самғап үн.
...не дейін!
Тасып келе жатқан кезде мерейім,
жыр да мына жылауыққа айналып,
у ішкендей құрғады ма көмейім!
...қолымнан да түк келмей,
бар тынысым, алқынысым біткендей,
Ашылмаған кітап еді әлі бір,
шынымен-ақ қалғаны ма түптелмей?!
...әй, дегенмен, дегенмен,
мұндай сұмдық көрем деген жоқ ем мен.
Сол күні іргем солқ етті де, құдай-ау,
жай түскендей болды бірден төбемнен.



Пікірлер (0)

Пікір қалдырыңыз

Бұл өмірде бар-жоғыіды білместен

  • 0
  • 0

Бұл өмірде бар-жоғыіды білместен,
күндерім-ай, қызыл-жасыл гүл кешкен,
шекесінен шертіп қойып шіріктің,
арулармен ат үстінде тілдескен.

Толық

Тынышбаев туралы ән

  • 0
  • 0

Тынышбаев туралы ән
Ағайын кеудемізді тік ұстайық.
Кемеңгер Мұхаметжан Тынышбаев.
Сәкен Иманасов

Толық

Абай ескерткіші алдында

  • 0
  • 0

Дәрежем болмаса да дүрілдеген,
бірімін мықтылардың бүгінде мен,
айыпқа бұйырмасаң,
Абай аға,

Толық

Қарап көріңіз