Өлең, жыр, ақындар

Кешегі келте мойын нән қарақшы

  • 31.05.2021
  • 0
  • 0
  • 409
Кешегі келте мойын нән қарақшы,
сені де, қолдан келсе жалдамақшы,
жат жерде қайыр қылып,
қатарына ап, нан беріп,
дәм ұсынып,.. алдамақшы.
Екі ұртын ара-тұра бұлтыңдатып,
алтынын анадайдан жылтыңдатып,
аңдиды аңысыңды, әр ісіңді,
итіне салпаң құлақ тың тыңдатып.
Қайыр ғып,
қай бір тұста алдап, күліп,
біржола қатарына алмақ бұрып.
Соя ма одан әрі, өзі біліп
қоя ма от жақтырып,
мал бақтырып.
Қулығын өзгелерден асыра ма,
ұрлығын сен арқылы жасыра ма,
кесек ет көмейіңнен бір өткесін
болмасын біледі ол да басың ада.
Қойнына боямалы бөзін тығып,
қамқорсып құрақ ұша өзі ұмтылып,
Сені де қарақшы етпек ойы бар ма,
қоймай жүр көптен бері көзін тігіп!



Пікірлер (0)

Пікір қалдырыңыз

Қасым, Қасым, Қасымдар

  • 0
  • 0

– Ақ қалпағы басында,
Атасы бар қасында,
Құлақтары қалқиып,
Мынау тұрған Қасым ба?

Толық

Өлеңімді қорлама

  • 0
  • 0

Бұрынғылар тықты апарып торға да,
жырындылар жықты апарып орға да,
шындық үшін жаны шығып,
шырылдап,

Толық

Мақпал қыз - Мақпал әнім-ай!

  • 0
  • 0

...Айналамыз қожыр-қожыр жақпар құз,
Алматыға қайтып келе жатқанбыз,
қалғып-мүлгіп отырғанда,
кенеттен

Толық

Қарап көріңіз

Пікірлер