Көк туым – Алматбек Сақтаған

Көгімде ту, желбірейді аспанға,
Желбіресін әрқашанда аспанда.
Ту дегенің мемлекет символы,
Кешірім жоқ таптап оны басқанға.
Түспесінші, биік тұрсын мәңгілік,
Мақтан тұтып, қастерлесін жан қылып.
Қойып алып қолымызды жүрекке,
Айтайық әнұранды ән қылып.
Қазақстан , қазағым, қалың елім!
Бағалай біл барында байтақ жерің.
Қанша адам тұрсын мейлі, қанша ұлт,
Өссін ару қыздарың, батыр ерің!
Бағалай біл, барында бақытыңды,
Сақташы "Қазақ" деген жақұтыңды.
Қорғаңдаршы ел болып, байлығыңды,
Ата-бабам  тастап кеткен бақ, құтыңды.
Жасай бер мәңгілікке жаса Қазақ!
Тәуелсіз елім болып жаса азат!
Әлемге таныла бер, қалқы көкте,
Айта алмайтын, ешбір, адам мазақ!