Өлең, жыр, ақындар

Елікпеңдер, ей жігіттер, қызбаңдар

  • 16.06.2021
  • 0
  • 0
  • 926
Елікпеңдер, ей жігіттер, қызбаңдар.
өмір деген — гүл шоғы емес қызды алдар.
Көктем ғой деп көлкілдеме көйлекшең,
мына күннің артында өлі ызғар бар.
Сәуір желі ескенімен түзеліп,
бұлтын аспан тұр ғой әлі тізе ғып,
Күншуақ жақ көктегенмен, әлі де
көлеңкенің біткен жоқ қой мұзы еріп?
Жаза тұршы, күдікшіл ой, жүдеу жыр,
күдік кейде таяныш бір, тіреу бір.
Шыңғыс ханның садағын ап біреу жүр,
Гитлердің мұртын қойып біреу жүр.
Сөйлем бітті, бітті деген нүктең жоқ,
жауды жеңдің — тізесін ол бүккен жоқ.
Көлеңкенің біткен жоқ қой мұзы еріп,
мұзды жандар әлі құрып біткен жоқ.
Көктем, жаңбыр құра берсін жүз өрмек,
сәби жел жүр сол өрмекті үзем деп.
Көлеңкеде коньки теуіп жігіт жүр,
көктем гүлін еткенімен қыз ермек.
Елікпеңдер, ей жігіттер, қызбаңдар,
өмір деген —гүл шоғы емес қызды алдар.
Көктем ғой деп көлеңдеме көйлекшең,
мына күннің артында өлі ызғар бар.



Пікірлер (0)

Пікір қалдырыңыз

Төкші, төкші, домбыра, қоңыр үнді

  • 0
  • 0

Төкші, төкші, домбыра, қоңыр үнді,
бір тазартып алайын көңілімді.
Жалаңаштап жанымды көрейінші
Жетпей жатқан жерімді, не мінімді;

Толық

Салмақ туралы

  • 0
  • 0

Кеңседегі біреудің кеңсірігін сөз еттік,
ел сенетін біреудің кемшілігін сөз еттік.
Жетпейтінін сөз еттік, әңгімеге өзек қып,
біреуіне — ақыл-ой,

Толық

Ұршық пен домбыра

  • 0
  • 0

Жіп иірді ол толғанып,
Қолында — сол бір ұршық.
Домбырамды қолға алып,
Мен — күй шерттім ыңырсып.

Толық

Қарап көріңіз