Өлең, жыр, ақындар

Шешiншi

  • 22.06.2021
  • 0
  • 0
  • 2803
Шешiншi,
Тал бойыңды қызықтайын,
Жатқандай жапырағын үзiп қайың...
Тағатын құлағыңа сырға дайын,
Салатын саусағыңа жүзiк дайын.
Жо-жо-жоқ!
Керегi жоқ ештеңенiң!
Балқаймақ бəденіңдi қош көремiн.
Ес-түссiз қунап жатқан, тулап жатқан
Естиiн жүрегiңнiң кешкi əуенiн.
Лүп-лүп-лүп...
Қандай жұмсақ, мəп-мəйiн үн?!
Ару мен ақ қайыңда жоқ па айырым?
Кешiршi, айналайын, аңсарымды,
Шешiншi, айналайын, Ақ қайыңым!..
Шешiншi...
Жаным, күнiм, шешiн, шешiн...
Денеңде – дегбiр, дертiм,
Төсiңде – есiм...
Сыр суын сирағыммен кешкiм келдi,
Кешiрсiн, Жаппар ием, кешiрмесiн.
Шешiншi,
Не көрсек те бiр көрелiк!
Iбiлiс iз кессе де үндемелiк.
Анадан туған осы қалпымызбен
Қып-қызыл отқа оранған түнге енелiк!
Шешiншi, көкем...



Пікірлер (0)

Пікір қалдырыңыз

Сенсiз менiң өмiрiм өлең бе едi

  • 0
  • 0

Сенсiз менiң өмiрiм өлең бе едi,
Жаңармалы тiрлiкте, көнермелi?
Көңiл шiркiн сен жаққа елеңдеулi
Қоңыр мiнез қозыдай көгендегi.

Толық

Жанымды түртiп жəй жатқан

  • 0
  • 0

Жанымды түртiп жəй жатқан
Келiп бiр қалдың қай жақтан?
Жəннаттың Перiштесi ме ең,
Жанарын нұрмен жайнатқан?!

Толық

Тақуаша табынып Елес-күнге

  • 0
  • 0

Тақуаша табынып Елес-күнге,
Тағдырыммен, бiлмеймiн, егестiм бе:
Сия алатын емеспiн дүниеге,
Қия алатын емеспiн сенi ешкiмге.

Толық

Қарап көріңіз

Басқа да жазбалар