Өлең, жыр, ақындар

Бағала менi, бағала

  • 22.06.2021
  • 0
  • 0
  • 1289
Бағала менi, бағала,
Көзiмнiң жасын iшпе, Сен.
Шағала – көңiл, шағала,
Шалқарда шалқып ұш десең.
Азапта, мейлiң, əуреле,
Сұрап та жатпан «неге?» – деп.
Ұрынған жарық сəулеге
Мен бүгiн көзсiз көбелек.
Ажалдан аман ап қалар
Аялы жандар қорғалап.
Ақынның аты – аппақ ар,
Түсiре көрме арға дақ.
Адалдың жаны асыл-ды,
Келетiн дəйiм көмекке.
Қорғасаң қорға басымды,
Қолыңнан келсе, қор етпе!
Аз қонып көрiк – бағыма,
Жүрекке кетпе қайғы сап.
Жаз болып келiп жаныма,
Жадырай күл де жай құшақ!
...Бағала менi, бағала,
Көзiмнiң жасын iшпе, Сен.
Шағала – көңiл, шағала,
Шалқарда шалқып ұш десең!



Пікірлер (0)

Пікір қалдырыңыз

Таң көзінен тамды мұң

  • 0
  • 0

Таң көзінен тамды мұң,
Күнді күтіп қалды ма?..
Жау, жарықтық жаңбырым,
Ұқсап алтын жамбыға.

Толық

Бұрала басып

  • 0
  • 0

Бұрала басып,
Бұлқына қашып, балтəттiм,
Бұрыла берiп бұрымыңды еппен тарқаттың.
Жамалы гүлден,

Толық

Кеш көрдім бе, айтшы, əлде, кезінде ме

  • 0
  • 0

Кеш көрдім бе, айтшы, əлде, кезінде ме –
Жанға жағып барады сөзің неге?
Тал бойымды еріткен ерке қылық
Көзіңде ме,

Толық

Қарап көріңіз