Хатың келді – Исраил Сапарбай

Хатың келді –
Бір сəтке өзіңді алып,
Тілегің мен
Жүрегің, сөзің де анық.
Тулап жатты айдынға асыққандай
Аквариум – кеудемде сезім – балық.
Хатың келді –
Таңғы бір тəтті сырдай,
Қобалжулы көңілге дақ түсірмей.
Ақ тілеулі əлемге сəлем айтып
Алақаннан ұшырған ақ құсыңдай.
Хатың келді,
Сездіріп сағынышты,
Сағыныштың бұл жүрек балын ішті.
Алатауын аңсаған ақша бұлттай
Өзің жакқа көңілім алып ұшты!
Хатың келді,
Жаныма жайлау қонды.
Жауқазын гүл қаптады қойнау, белді.
Қаншама алыс ұшса да,
ару аққу
аңсайды екен айдыны – Айнамкөлді...
Хатың келді,
Тасыды ақын көңілі...