Өлең, жыр, ақындар

Базары қызық бал күннен

  • 22.06.2021
  • 0
  • 0
  • 660
Базары қызық бал күннен
Қаламай жүрiп гүл өзге
Қалайша суи қалдым мен
Өзiңнен, қалқам, лезде?
Өзгердiм қалай тосыннан,
Кiнəлi, айтшы, кiм бұған?
Көрем бе жақын досымнан,
Көрем бе жақын құрбымнан?
Суынды көңiл тез неге,
Тəттiге тойынғаннан ба?
Аңсарым ауып өзгеге,
Өзгеде ойым бардан ба?
Мезгiлсiз солып гүл – өңiң,
Өткен бiр күнге кектенiп,
Өзiң де менi, бiлемiн,
Өлердей кеттiң жек көрiп!
Жүрсең де налып жалғанға
Өзгеше ғажап өрсiң-ау!
Мен жайлы сұрай қалғанға
«Дон-Жуан едi», – дерсiң-ау.
Мазаққа душар болған жан
Азапқа қалай көнсiн-ау?!
Мен жайлы сұрай қалғанға
«Қатыгез едi», – дерсiң-ау...
Керек пе, əлде, өзгеше ем,
Суынды неден бұл көңiл?
Себебiн өзiң сезбесең,
Бiлмедiм, қалқам, бiлмедiм...



Пікірлер (0)

Пікір қалдырыңыз

О, Құдірет!

  • 0
  • 0

О, Құдірет!
О, Өлең!
Қалай қиып кетем сені өлгенде?
Шыныменен жан екем ғой шерменде.

Толық

Көкейтескен

  • 0
  • 0

Далам анау етек-жеңі далиған,
Жалғыз соның соңында жүр ар-иман.
Ата-баба аманатын кіршіксіз
Ақтау, сақтау – қасиетті қағидам!

Толық

Кiрпiгiме асылған

  • 0
  • 0

Кiрпiгiме асылған
Үмiт шығын үзбедiм.
Қауызынан ашылған
Гүлдерiмдi iздедiм.

Толық

Басқа да жазбалар