Өлең, жыр, ақындар

Аңсау

  • 22.06.2021
  • 0
  • 0
  • 658
Егiлдiм саған, төгiлдiм,
Ғашықтық сырын мың айтып.
Өткiншi мынау өмiрдiң
Өзiмшiлдiгi мұңайтып.
Жалқау жел жалба-жұлба етiп
жауа алмай кеткен бұлттай,
жанымнан менiң күнде өтiп
жайымды жүрдiң бiр ұқпай.
Талқыма тиген тағдырдың
тарылып кейде ауасы,
жаңбырды қанша жаудырдым
жанымның болмай дауасы.
Жүректiң жалын құштарын
тербеткен шақта теңiз көк,
шағала – сағыныштарым
шаңқылдап ұшты сенi iздеп.
Көктеммен келер деп едiм
бақытым, құсым – базарым,
қайрылмай кеттi өлеңiм,
қайрылмай кеттi наз əнiм.
Жұпарын шашып қойнауға
бүршiгiн гүлдiң бүрлеткен,
жайланбай көңiл жайлауға,
тойланбай қалды бiр көктем.
Өлеңшiл жанның қалауын
Өзiң де сезiп, бiлмес пе ең?
Жолыңда қалды жалауым,
Қолымда қалды гүлдестем.
...Қырмызы күннiң қызығы
батысқа барып батқанша-ау.
Үкiлi үмiт үзiгi –
Өзiңдi əр кез тəттi аңсау.



Пікірлер (0)

Пікір қалдырыңыз

Сұм заман сұрқия өңді бейбеттенген

  • 0
  • 0

Сұм заман сұрқия өңді бейбеттенген
Тосады «тобаңды айт» деп кейде өткелден.
Арты өніс,
Ақын бар ма алды кеніш,

Толық

Қарағайға қарсы бұтақ біткенше

  • 0
  • 0

«Қарағайға қарсы бұтақ біткенше,
Еменге иір бұтақ бітсейші...»
Зауалың бастан асты ғой,
Заманым, соны күтсейші?

Толық

Өмiр бiзге бiр-ақ келер, көп келмес

  • 0
  • 0

Өмiр бiзге бiр-ақ келер, көп келмес,
Лəззат лебi азаппенен өткелдес.
Шын махаббат, бiле бiлсең, шырайлым,
Үйленумен,

Толық

Қарап көріңіз