Өлең, жыр, ақындар

Қош, кермиық Келiншек, ерке күлген

  • 22.06.2021
  • 0
  • 0
  • 2348
Қош, кермиық Келiншек, ерке күлген,
Менi ұмыт,
Бақытты бол еркегiңмен.
Махаббат кеудемдегi көзiн жұмсын,
Беймезгiл өткен жандай ерте өмiрден.
Қош, қош, қош,
Ол аз болса, тағы да қош.
Бұлбұлым, ендi басқа бағыңа көш.
Жаңғырып жадымызда жатсын мəңгi,
Жақсы күн,
Жəннат түн мен жадыра кеш...
Қош, бикеш, бейпiл бейiл, тəттi ерiндi,
Тəрк еттiм, амал қанша, тақ-төрiңдi.
Оңаша ой кешкенде еске алармын,
Өзiңмен бiрге болған сəттерiмдi.
Қош, бикеш,
Қош дейiн де қол бұлғайын,
Уақыт бермес бiзге ендi ыңғайын.
Жастық та бiр қызық қой, қас қағымда,
Өтетiн төгiп-төгiп жаңбырдайын.
Қош, кермиық Келiншек, сұңғақ бойлы,
Уақыт ендi бiзге қымбаттайды.
Мың мақам мұңын шағып, сырын шертiп,
Жүрегiм ендi ешкiмге үн қатпайды.
Қош, бикеш,
Қош, Келiншек, сұңғақ бойлы...



Пікірлер (0)

Пікір қалдырыңыз

Мезi мезгiл меңдеп менi бiр өңшең

  • 0
  • 0

Мезi мезгiл меңдеп менi бiр өңшең,
Көптен берi көтерiлмей жүр еңсем.
Аллаға мың шүкiршiлiк айтар ем,
Ауруымнан айықтырып жiберсең.

Толық

Сенi көргiм келедi де тұрады

  • 0
  • 0

Көзмоншақтай көлдiң көркем құрағы,
Махаббаттың мың бiр мақам құрамы,
Тағдырымның таусылмайтын сұрағы –
Сенi көргiм келедi де тұрады.

Толық

Шақпақтас

  • 0
  • 0

Сөйлеуді білмей абайлап,
Ар санап ақыл айтуды,
Көзіңде шарт-шұрт жай ойнап,
Найзағай шатынайтын-ды.

Толық