Өлең, жыр, ақындар

Қинадың-ау, қинадың-ау менi ұқпай

  • 01.07.2021
  • 0
  • 0
  • 1077
Қинадың-ау, қинадың-ау менi ұқпай,
Кездеспей де, жүздеспей де, жолықпай.
Жүрегiңе жету сенiң мұң болды-ау
Жас кеудеңе жасырынған тобықтай.
Неден, жаным, секем алдың, сескендiң?
Қинадың ғой,
Қиналдым ғой,
Не iстермiн?
Сыздатады, мұздатды жанымды
Көкiрегiмнiң көк сеңiндей көшкен мұң.
Көрмесiме көнбейiн бе, көнем бе?
Келмесiңе сенейiн бе, сенем бе?
Жүрегiме жай түскендей болды ғой,
Жай түскенде жайрап қалар емен де.
Жүдедiм-ау жүрегiме толып қан,
Жараланып қайтқан жандай жорықтан.
Шыныменен қалар ма екем көз жазып
Жас кеудеңе жасырынған тобықтан?..



Пікірлер (0)

Пікір қалдырыңыз

Жұлдым, таттым талайын көк алманың

  • 0
  • 0

Жұлдым, таттым талайын көк алманың,
Сүйдім, таптым деп жəне көп алдандым.
Қанша қыз бар қалада...
Сенен бірақ

Толық

Індет

  • 0
  • 0

Қазақта кім ішпеген бұл арақты..,
Қайтеміз жаттан іздеп кінəратты?
Шөлмегін қолындағы шошаңдатып,
Бір тойда бір қария «уралапты».

Толық

Əшірбек Сығайға

  • 0
  • 0

Қазымыр қарашада қабарса күн,
Қырмызын қырау шалар балаусаның...
Отызға жетпей жатып орда бұзды
Қолынан тастамастан қаламсабын.

Толық

Қарап көріңіз

Басқа да жазбалар