Иса Байзақов

Қанат талды

Бұл бетте «Қанат талды» атты Иса Байзақов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.11.2015
0
0
3150

Ән сұлу күндей күліп сорғалаған,
Бұлбұлдай сайрап жүріп қорғалаған,
Жымиып күле қарап айлы аспанға,
Сызылтып тоқсан түрлі жорғалаған.
Ырғалтып мың құбылтып шырқағанда,
Үзілтіп он екі алуан ән салғанда,
Қалықтап ұшқан дауыс төмендемей,
Аспанда қанат талды толғағанда.
Әндердің ұлы атасы «Қанат талды»,
Арқада ақыратып Сейтжан салды,
Қоңырлап құйқылжыған ырғағына,
Сүйсініп, естігенде жұрт таң қалды.

Қанат талды Иса Байзақов Иса Байзақов өлеңдері

Пікірлер (0)

Пікір қалдырыңыз

Жиі қойылатын сұрақтар